成日都左一袋右一袋，又要拎住手機，真係好論盡呀！想解放雙手？嚟緊 Fabrica X 同台灣唯一零廢時尚品牌 Story Wear 合作舉辦嘅「循環牛仔編繩工作坊」就啱哂你喇！無論你想掛手機定係鎖匙，又或者係 card holder 都絕對無問題！ 

喺呢個工作坊，我哋嘅導師將會親自帶你體驗編織嘅藝術，將回收牛仔布改造成型格又多功能嘅編繩，從而減少牛仔布嘅浪費，促進時尚產業嘅可持續發展。順帶一提，每塊牛仔布都會有獨特嘅色彩，最終成品將會有 10-40% 嘅色差，代表住每條編繩都係獨一無二㗎！ 

係咪好吸引呢？立即預約，叫埋屋企人/朋友仔一齊嚟發揮創意，從源頭減費，探索永續時尚嘅無限可能！