無論嗌外賣、去超市入貨或網購，都會用到大量膠袋同包裝。有人會留起佢哋再用，亦有人會直接掉落垃圾桶。唔知大家又會點樣處理呢啲膠袋呢？ 

其實你仲可以將佢哋升級再造，只要嚟南豐紗廠Fabrica X參加我哋嘅「膠袋再生工作坊」，就有得賦予膠袋第二生命啦！大家可以回收日常嘅膠袋，親手做出卡片套，顏色同拼貼圖案，完全由自己話事，出到嚟嘅效果絕對係獨一無二㗎！咁好玩又有意義嘅活動你仲唔快啲報名？ 

親自製作個性卡套，賦予塑膠廢物第二生命。

點解要回收同重用塑膠？ 

淨係香港，每日就有2,312噸嘅塑膠廢棄物被送到垃圾堆填區，部分更不可避免咁流入海洋🌊唔想有一日同啲膠一齊游水？即日起嚟海洋塑膠回收工作坊了解多啲啦！ 

活動流程 

• 工作坊簡介（5分鐘） 
• 工作坊示範（15分鐘） 
• 卡片套組裝和訂製（70分鐘） 

費用包括：所有器材工具，以及少量膠袋 

*如希望設計更個人化，請自行準備至少8個乾淨的膠袋。